Жазғы мектеп – 2019

Көкшетау қаласындағы физика-математикалық бағыттағы Назарбаев Зияткерлік мектебінде 2019 жылдың 27 мамыры мен 7 маусымы аралығында 1-4 сынып оқушылары үшін жазғы мектеп ұйымдастырылған болатын. Жазғы мектепті ұйымдастырудың мақсаты – академиялық әлеует пен жобалық-зерттеу жұмыстарының дағдыларын дамыту, сонымен қатар оқушылардың кешенді әлеуметтік-эстетикалық дамуына жәрдемдесу болып табылады. Оқушылардың тілдік мәдениетін және математикалық сауттылығын дамыту үшін келесідей курстар ұйымдастырылды: «Сөздердің сиқыры», «English for Fun», «Лингвистикалық қоржын», «Сиқырлы қазақ тілі», «Қызықты математика». Сыныпта оқушылар лингвистикалық ертегілермен танысты, сөздік ойындар, шарадалар, мегаграммамен танысып, әдеби мәтінді талдауға тырысып, басқатырғыштар құрастырды.
Сабақтар теориялық материалдан ғана емес, сондай-ақ жаттығулардың әртүрлі түрлері ұсынылған практикалық бөлімнен тұрды.

Көркемдік және шығармашылық іс-тәжірибе алу, сондай-ақ көркем және эстетикалық талғамды үйрету үшін оқушыларға «Әлем біздің айналада» атты сурет салу бойынша сабақтар өткізді, мұнда оқушылар түрлі техникада жұмыс істеді: аппликация, мүсін, дәстүрлі емес сурет техникасы (жапырақтармен, алақанмен, үрмелі сабанмен және т.б.) ол үшін түрлі материалдарды қолданды: түсті қарындаштар, гуашь, акварель, түрлі-түсті қағаз, картон, пластилин және т.б.Сонымен қатар, жазғы мектептің әрбір таңы көңілді ритмикалық флеш-мобтан басталды. «Көңілді ноталар» атты музыкадан қызықты сабақтар, сондай-ақ хореография сабақтары болды. Салауатты өмір салтын сақтау және спорттық рухты тәрбиелеу мақсатында балалар таза ауада жаттығулар өткізді, мұғалімнің басшылығымен тренажерларда жаттықты. Негізгі жұмыс оқушылардың дене шынықтырумен және спортпен шұғылдануға, жалпы олардың даму жаттығуларын өз бетінше орындауға қабілетті болуға бағыттау. Одан басқа, оқушылар Ақмола облыстық филармонияға интерактивтік қойылымға саяхат жасады және табиғатқа шығып, демалыс ұйымдастырылды. Бастауыш сынып оқушылары сабаққа қызығушылық танытып, барлық тапсырмаларды үлкен жауапкершілікпен және креативті орындады, алдағы жылы болашақта жазғы мектепті жалғастыруға ниет білдірді.