Мектеп жатақханасында өткен демалыс күндерінде Наурыз мейрамын тойлауға арналған «Бауырсақ FEST» шарасы өтті. Бұл күні ұлттық киім мен ұлттық тағамдар, дәстүрлер мен әдет-ғұрыптар кеңінен насихатталды. Зияткерлер ән шырқап, би билеп, өнерлерін ортаға салса, ата-аналар қауымы да қалыс қалған жоқ.
Мерекелік бағдарламамен басталған шара салт-дәстүрлерді орындаумен жалғасып, ұлттық ойындарды ойнаумен әрленіп, ақ дастархан басындағы көңілді отырыспен қорытындыланды.