Болашақтың көшбасшылары: CYMUN 2024 алаңында жаһандық мәселелер талқыланды

Шымкент қаласының физика-математика бағытындағы Назарбаев зияткерлік мектебі 2024 жылдың басында жас дипломаттар мен болашақ көшбасшылардың басын қосқан маңызды оқиғаға – CYMUN (Қазақстанның Жас Модельді Біріккен Ұлттар Ұйымы) конференциясына куә болды. Бұл шара тек білім беру алаңының аясында өткен маңызды тәжірибе ғана емес, сонымен бірге жастардың әлемдік мәселелерге деген көзқарасын кеңейтіп, оларды жаһандық деңгейдегі шешімдер қабылдауға ынталандырды.

CYMUN – жыл сайын өтетін конференция, онда мектеп оқушылары БҰҰ форматында әлемнің түрлі елдеріне қатысты мәселерді талқылап, өз пікірлерін білдіреді. Биылғы жылы форумның тақырыбы «Глобалдық ынтымақтастық пен бейбітшілікті сақтау: болашақ үшін жауапкершілік» болды. Бұл тақырып жастарға әлемдік деңгейдегі маңызды проблемаларды түсінуге және оларды шешуде креативті тәсілдерді қолдануға мүмкіндік берді.

Конференцияның ашылу салтанаты мектептің акт залында өтті. Бұл күні барлық қатысушылар салтанатты түрде өздерінің делегаттық рөлдеріне енді. Түлектер мен оқушылар БҰҰ құрылымын модельдеу арқылы, әр елдің саяси, экономикалық және әлеуметтік жағдайларына қатысты маңызды шешімдер қабылдауға қатысты пікірталасқа қатысып, пікірлерімен бөлісті. Әрбір делегат өз елінің атынан сөз сөйлеп, ғаламдық мәселелерді шешуде конструктивті көзқарастарын ұсынды.

Жастардың арасындағы белсенді талқылаулар мен конструктивті пікірсайыстар бұл іс-шараның мәнін тереңдете түсіп, қатысушылардың жаһандық деңгейде ойлау қабілетін арттырды. Әрбір делегат өз елінің позициясын қорғап, бұл тәжірибе олардың халықаралық қатынастарға деген қызығушылығын оятып, өздерінің пікірлерін ашық әрі сенімді түрде жеткізу дағдыларын шыңдады.

Шымкент қаласы физика-математика бағытындағы Назарбаев зияткерлік мектебі осындай шараларды өткізу арқылы өз оқушыларына әлемнің ең өзекті мәселелері туралы ойланып, оларды шешуде белсенді болуға мүмкіндік береді. CYMUN конференциясы — бұл тек білім алу алаңы ғана емес, сонымен қатар жас көшбасшылардың қарым-қабілеттерін дамытуға бағытталған шынайы платформа.